新人報到!! school talks + career expo

哈佬* 我系新一屆VTC學生大使 Makao~ 今次第一次上黎blog就一定5會空手黎拉~我向呢個月以VTC學生大使既身份做左好多野, 當然要同大家開心share拉! 哈哈*

2月11號我就開始左我既第一次school talk - 曾壁山中學~ 第一次sharing都有D緊張嫁! 好彩牙sir用對答形式帶住我，我先冇咁怯場。不過都仲有好大既進步空間! 我帶埋我之前summer internship設計既product去(兒家design gallery有得賣嫁!)，不單止D同學有反應，連中學既老師都有興趣，叫我完左sharing之後借佢地睇。仲有同學黎問我D關於business上既問題! 成本牙、定價等等。好彩我考完試冇俾反晒老師=D 希望我既答案同經驗幫到D同學拉!

之後跟住果個禮拜我又去左第二間中學 - 馮梁結紀念中學。因為果日我又要去career expo到on duty, 所以就調左個次序，俾我share先。完左之後就急急腳由大埔趕反灣仔會展! 因為我今次又有個特別任務，就系要同VTC既專業教育顧問梁任城先生，仲有一個師兄，一齊向career expo入面既forum area做seminar同sharing!!! 分享內容都系講反點解我會揀IVE拉，向IVE既一D難忘既經驗，同埋一D tips 俾兒家既中學生。好開心連梁先生都話我設計既product得意=)

VTC今年個booth* 擺滿晒VTC學生既得獎作品! 第二日on duty, 我有幸可以同Leo一齊做program 既MC。系介紹青年學院既同學示範化妝同髮型設計。雖然我就五系講左好多句 (Leo實在太勁!)，但有個經驗就已經好滿足拉=D

VTC Souvenir~矽膠手帶! 四色齊晒最靚* 要珍藏XD

輪到今日拉! 去我第三次school talk~ 雖然我仲未有緣去我母校分享~ 不過今日我就去左我母母校! 對! 系我媽咪既母校 - 王肇枝中學! 哈* 今次同我一齊去school talk既miss同我一樣都系向大埔讀中學~ 同同學講反我地既母校零舍親切! 我分享既時候，D同學除左對我個名(澳門?!)好有反應之外，當我講到我既product同比賽羅獎既時候，佢地既"woo~"同掌聲令到我自豪到五系幾好意思~ 哈哈! 自信心即刻大增牙!!! 校長都好贊同我當初揀IVE，仲祝我一定入大學添!

呼~ 一口氣打左好大篇entry =P 下次再同大家分享拉=)