VTC學生大使

星期一, 4月 18, 2011

學校攤位‏ - 模擬放榜

琴日去左中華基督教會何福堂書院既學校攤位到幫手呀, 佢地係禮堂擺左好多個攤位係模擬中六放榜既情況,而學生大使志偉,marcus同埋我今次就去左幫手xDD"我地負責係vtc既攤位到解答左好多學生既問題,等佢地清楚d了解ive同中專好多既課程資料,幫佢地揀左心目中想讀既科目帶佢地面試, 好好玩好有滿足感!* 哈哈, 之後就去左即場模擬面試室到幫手~~ d同學面試果陣都有d緊張, 完來佢地好多都係想入讀ive既幼兒教育同酒店系, 不過有個同學interview果陣仲話識多國語言tim, 好犀利!! 哈哈!* 幾個鐘頭好快就過左喇, 希望我今日既講解同經驗幫到D同學仔啦!*哈哈

之前預告同大家講左星期五田北辰黎我地campus講talk, 終於都期待到呢一日呢!!* 今次負責幫呀sir手做籌備工作同埋搵helper, 完來要籌備一個講座都唔容易, 好多好細微既事要做好, 仲有事前要有好詳細既planning! 好開心最後活動十分順利, 仲坐無虛席tim!!~真係要多哂大家既幫手!><" 田生教左我地好多商業同零售既技巧, 仲分享左好多佢讀書到而家既小故事, 十分精彩呢* 完左talk送佢走既時候仲同我握手tim, 真係好nice!***

如果想知多d詳情, 快d睇下marcus既post啦-v-"

星期六, 4月 16, 2011

零售企業之成功要訣-田北辰座談會

哈佬，又上黎啦～
今次有幸擔任　零售企業之成功要訣-田北辰座談會既司儀
要多謝多位老師比左咁好既機會我，另外我地既班底都係同學科的師弟妹，另一位ＳＡ（天天）都在場帶領ｈｅｌｐｅｒ，真係多謝曬你地＞＜
　　真係開心＋興奮．

係呢個任務當中，學到好多吾同既野，例如：
１．要準備好多嘉賓既背景及相關資料
２．背熟ｄ稿＋咬字發音正確
３．執生（好多野）時間控制，離題時要拉反入主題等等

咁成個座談會進行得非常順利，田生具幽默感，都同我地ｄ同學都非常之湧躍咁參加，臨場所有ｈｅｌｐｅｒ都執生，連我地MC都要幫手搬椅，好彩及時係開場前加到足夠既位置．真係好多同學支持～

一開場田生入黎見到爆曬人．．佢呆企左３秒．露出非常開心既笑容～
最後獲得全場熱烈掌聲歡迎田生上台同我地分享商界同個人既經驗及心路歷程

係田生身上學到好多野：

１：Ｇ２０００能到今時今日都仲係服裝市場站立，因為創版人到依家都仲好熱愛呢個行業。
２：謙卑
３：做生意同埋做人有時候都要摸住石頭過河（田生說：呢句背後有好多意思）

４：搵到自己既興趣，就要全程投入去發展。

最後黎反一幅大合照先～。　好多謝各位老師同埋同學既幫忙同埋支持。有你地先可以咁順利嫁JA ><

今日下午又可以去屯門某間中學度幫手啦＞＜好期待呀～^^.

星期三, 4月 13, 2011

Hello 大家好

Hello, 大家好! 我係今年既vtc學生大使天天今日終於上黎報到喇!!* 原來唔經唔覺做左vtc學生大使已經半年喇, 時間過得好快呢! 好開心, 呢個月我都參加左好多活動呀, 等我都同大家分享先! 哈哈*

岩岩上星期五去左聖公會李炳中學到分享! 唔講唔知, 今次個課程講師原來同我同一間中學嫁, 係我好多屆之前既師兄, 之前仲返同一間教會tim, 哈哈* 而今次呢間學校d同學仔好活躍, 上台同分享完之後都"woo~~~" 聲搞到我唔好意思xD"" 而Q＆A既環節問題問過不停呢, 問到overrun左,哈哈!

3月19日去左VTC「停一停...聽聽子女的心聲」既第一場講座"談性說愛"到幫手, 今次個講座係中央圖書館到舉行, 有程翠雲女士同model 馬詩慧嘉賓分享, 當然仲有我地兩個SA Cindy 同Marcus上台分享, 好熱鬧呢! 原來好多家長都擔心佢地既子女拍拖, 驚佢地影響學業又尷尬唔知點開口, 所以大家都要多d同屋企人溝通喇, 好好疼你地daddy mummy呀>v<